www.kabalan.com

نعتذر عن استقبال مايسمى الشعر الحديث
 
الرئيسيةاليوميةس .و .جبحـثالتسجيلدخول

شاطر | 
 

 قصيدة جميلة للأمير عبدالله العلي الرشيد

اذهب الى الأسفل 
كاتب الموضوعرسالة
زياد
Admin
avatar

عدد الرسائل : 142
العمر : 59
الموقع : www.dr-kabalan.com
تاريخ التسجيل : 17/12/2008

مُساهمةموضوع: قصيدة جميلة للأمير عبدالله العلي الرشيد   الجمعة ديسمبر 19, 2008 5:05 pm

الحمـد لله فــازع لـمـن شكـالـه
والحمد له ثاني علـى كـل الاحـوال
والحمـد لـه ثالـث بقـدرة فعـالـه
حي(ن) قدير(ن) عد ما قايـل(ن) قـال
أو عـد ماترمـي لـواعـج خيـالـه
بسح(ن) وتسكاب(ن) وديم(ن) وهمـال
رب السما رزق الـورى مـن نوالـه
محي الهشيم الميـت الـدارس البـال
كـل الثنـا والشكـرلـه والجـلالـه
سيدي ومسنـادي الا ضكنـي الحـال
كم ضيقتـن مـن منّتـه جـت وزالـه
وزادن بعـز(ن) ماهقيـنـاه بالـبـال
فاللـي بنـا لـولا الولـي مـا ننالـه
مير الولـي يسعـى ومـا نـام فعـال
ياما طلبنـا كـل مـن بـه شكـا لـه
نبغي الركود من أهل نجد(ن) ولا ضال
ومن عقب ماعجـزوا عنـي بالغيالـه
شبوا لنـار الحـرب بالقيـظ صـوال
ومن شب نـار(ن) تحرقـه باشتعالـه
وصـارت عقوبـه تابـعـة ذل واذلال
وأنـا أحمـد الله ماكرهـنـا لقـالـه
الا تكـون عقوبتـه عــز وأقـبـال
والبغي كم مـن نـاس حلّـوا رجالـه
وياما هلك بالبغي من ماضـي اجيـال
عاد خلاف الزود شف وش جرى لـه
ياعونـة الله مامـن الـحـي عـقّـال
( فاللي علينـا الجـار نرفـي خمالـه
ونفزع لمن جانا من الضيـم دخـال )
( وللضيف نقرى حين تبـرك رحالـه
ومن أمنّا والمحتري مـا نهـج حـال )
( وان جاء صديقي من عـدوه صيالـه
عميلنا نرخص لـه الحـال والمـال )
ولا نـزود ولـو تــزود السـلالـه
مـن دم هامـات العـدا عـل وانهـال
ومن جا يريد الزيـن يعطـى سؤالـه
وعن عاني الله ما قطعنا لـه أوصـال
فإن كان هـو ركـب الرشـا للمحالـه
واستثقلت مانـي مـن الحـرب مـلاّل
( نصبر كما تصبـر رواسـي جبالـه
ما ننهزع من وطي حافي ولا نعـال )
وخـلاف ذا يامـن يـودي رسـالـه
في صفح مصقولن عليـه القلـم سـال
سلم على منهـو غـدا الشـوق والـه
ومشاهـد اللـي للثقـيـلات حـمـال
غشّ الحريب اللـي براسـه صعالـه
وعز الضعيف وزيف ضيعات الأعجال
بالجـود ينقـض مـن يعـدد خصالـه
كـل المراجـل حاشهـن دق وجـلال
ان قال خبرن صاحبي كيـف حالـه ؟
عطه الجـواب اللـي كتبنـا والامثـال
يقـول : قلـه ياخلـف مـن غـدالـه
من الحي والميت مـع العـم والخـال
ركبوا على عـوص النجايـب عيالـه
يبروا لهـم يابـو سمـي كـل خيـال
جاؤا ضحايـا شيـخ ماهـي نطالـه*
وصاروا لما رادوا على كـل مشـوال
زادوا وبـادوا مـن هبايـب شمـالـه
وكلن لـه الله يـوم يحسبـن الاعمـال
( ويمنـاي ماترضـى زوايـد شمالـه
وتعطي الحقوق أهل المعالي والارذال )
( ومـن عقـب شيمتنـا نبـدّل فسالـه
حتى نشوف اللي على الحرب صمّال )
ونشوف حـرب اللـي يباهـي بمالـه
ياشيـخ ياتالـي كريمـيـن الاسـبـال
( والسيـف للتايـه ستـاد(ن) حنالـه
وندل به من هو عن الجاد قـد مـال )
واللـي كبـا لونـه فحـنـا صقـالـه
ولاهو من السطوات والضـرب كـلاّّّّّّّّّّّّّّّّّّّّّّّّّّّّّّّّّّّّّّّّّّّّّّل
( هذي علـوم ديارنـا مـن بغـى لـه
مشروب مـاه الا بقبّـاض الآجـال )
لياما صفـت بالسيـف ماهـي جمالـه
ونثني الرتـاع بجامـد القيـد وعقـال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kabalan.3oloum.org
 
قصيدة جميلة للأمير عبدالله العلي الرشيد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.kabalan.com :: الفئة الأولى :: اشعار شعبية منوعة-
انتقل الى: